भंडारज गावाजवळ दुचाकी व बसचा भीषण अपघात,एक अति गंभीर तर दोन गंभीर जखमी
अकोट: महामार्गावर असलेल्या भंडारज गावाजवळ दुचाकी व बस चा काल रात्री 8 वाजताच्या सुमारास भीषण अपघात झाला.या अपघातात दुचाकी वर असणारे तीन जण गंभीर जखमी झाले असून त्यामधील एक युवक अती गंभीर असल्याची माहिती मिळाली आहे
तर दोन जण गंभीर जखमी असून तिन्ही जखमींना उपचारासाठी ग्रामीण रुग्णालय अंजनगाव येथे दाखल करण्यात आले परंतु जखमींची प्रकृती गंभीर असल्याने डॉक्टरांनी प्रथमोपचार करून त्यांना अमरावती जिल्हा सामान्य रुग्णालयात पाठविण्यात आले.
माहिती अशी की,अमोल राजाराम पाटील वय ३६ वर्ष डिपी रोड प्रदिप अशोकराव येऊल वय 33 वर्ष विठ्ठल नगर,दिपक रमेश रावळे वय 31 वर्ष गुलजारपुरा सर्व राहणार अंजनगाव सुर्जी हे तीन युवक अकोट वरुन दुचाकी क्र. एम एच 27 एव्ही 5223 ने कावड यात्रा पाहून येत असताना भंडारज गावानजीक असलेल्या मातृछाया हॉस्पिटल जवळ अंजनगाव वरुन अकोट कडे जाणाऱ्या महामंडळ ची बस क्र. एम एच 40 ए क्यू 6353 सोबत जोरदार धडक झाली या धडकेत तिन्ही युवकांना गंभीर जखमा आल्या असून त्यांना उपचारासाठी प्रथम रुग्णालय अंजनगाव येथे भरती करण्यात आले होते
परंतु प्रकृती गंभीर असल्याने तिघांनाही अमरावती जिल्हा सामान्य रुग्णालयात पाठविण्यात आले.सदर अपघाताची माहिती पोलीसांना मिळताच पोलिस घटनास्थळी पोहोचले व घटनास्थळाचा पंचनामा केला सदरची कारवाई उपविभागीय पोलीस अधिकारी व ठाणेदार यांच्या मार्गदर्शनात अंजनगाव पोलीस करीत आहे.