अमरावती जिल्ह्यातील एका छोट्याशा गावातून क्रिकेट क्षेत्रात नाव लौकीक केलेल्या भारतीय क्रिकेटर जितेश शर्मा यांनी आज श्रीमती राधाबाई सारडा महाविद्यालय स्थित अंजनगाव सुर्जी तालुका क्रिकेट असोसिएशन ला भेट दिली. या भेटी दरम्यान क्रिकेटर जितेश शर्मा यांनी तालुक्यातील क्रिकेट खेळाडूंना क्रिकेट प्रती प्रोत्साहित करुन त्यांना मोलाचे मार्गदर्शन केले. महाविद्यालयाच्या भव्य प्रांगणात अंजनगाव सुर्जी तालुका क्रिकेट असोसिएशन तर्फे जितेश शर्मा यांचे मार्गदर्शन तालुक्यातील खेळाडूंना व्हावे यासाठी कार्यक्रमाचे आयोजन करण्यात आले होते.आयोजीत कार्यक्रमाचे अध्यक्ष म्हणून महाविद्यालयाचे प्राचार्य डॉ.बसिष्ठ चौबे तर प्रमुख पाहुणे म्हणून उपविभागीय पोलीस अधिकारी सिद्धेश्वर धुमाळ तर प्रमुख उपस्थिती आ.गजानन लवटे,डॉ.अमर सारडा, सतिश लोणकर लाभले होते.तर कार्यक्रमाचे मुख्य आकर्षण विशेष अतिथी सत्कार मूर्ती भारतीय क्रिकेटर जितेश शर्मा मंचकावर उपस्थित होते याप्रसंगी जितेश शर्मा यांचा मान्यवरांच्या हस्ते शाल श्रीफळ व पुष्पगुच्छ देवून सत्कार करण्यात आला.क्रिकेटर जितेश शर्मा यांच्या भेटीसाठी व त्यांना पाहण्यासाठी शहर व तालुक्यातील क्रिकेट खेळाडू व क्रिकेट प्रेमी यांनी कार्यक्रम स्थळी उपस्थिती दर्शविली. याप्रसंगी जितेश शर्मा यांच्या हस्ते असोसिएशन साठी उत्कृष्ठ कामगिरी करणाऱ्या खेळाडूंचा सन्मान चिन्ह देवून गौरविण्यात आले यामध्ये प्रामुख्याने प्रशांत जायदे, अमोल पटेल, मिलिंद अग्रवाल, सागर पांढरे, सोनू जैस्वाल, मोहम्मद रहेमान भाई तर पोलीस कर्मचारी यांचा सहभाग होता, तर कार्यक्रमासाठी मनोज धांडे क्रिकेट अकादमी संचालक मनोज धांडे, सुमित अंगाईतकर,वाजीद खान, व अकादमीचे सदस्य यांचे सहकार्य लाभले.
